Plazzas tar RTR
Radiotelevisiun Svizra Rumantscha è in’unitad d’interpresa da la SRG SSR ed occupescha radund 170 persunas. Quellas realiseschan di per di in program da radio da 24 uras, emissiuns da televisiun ed ina purschida multimediala sin las trais paginas www.rtr.ch, www.simsalabim.rtr.ch e www.battaporta.ch. Sper la partiziun program, ha RTR la partiziun tecnica e la gestiun commerziala.
RTR realisescha la lavur publicistica per la Svizra Rumantscha. La chasa da medias è a Cuira en la Via da Masans 2. RTR ha era posts redacziunals en l’Engiadina (Scuol e Samedan), en Surselva (Glion e Mustér), en il Grischun central (Savognin) ed a Berna en la chasa federala.
Per porscher programs attractivs dovra RTR persunal innovativ, engaschà e cumpetent. Las persunas che vulan lavurar tar RTR survegnan ina buna scolaziun da basa.
Sper las plazzas vacantas porscha RTR era plazzas da scolaziun sco lavuratoris, fufragnadis, praticums e stages.
