SRG.R

La SRG.R è ina da las quatter societads commembras da la SSR (Societad Svizra da Radio e Televisiun). Ella represchenta la regiun rumantscha en il sectur da radio, televisiun e multimedia e procura cun sia unitad d'interpresa Radiotelevisiun Svizra Rumantscha per ils programs rumantschs.

La suprastanza SRG.R 
Davant da sanester: Beatrice Baselgia ed Oscar Knapp, (president SRG.R).
Davos da sanester: Duri Blumenthal, Gion Cola e Donat Nay
 

Premi SRG.R 2014 a Trun

A chaschun da la radunanza annuala da la SRG.R ils 14-06-2014 a Trun han Oscar Knapp, president SRG.R (dretg) e Mariano Tschuor, directur RTR (sanester) surdà ad Iso Camartin (amez) il premi SRG.R 2014.

Sco societad commembra defenda la SRG.R ils interess da la populaziun rumantscha e s'engascha en la publicitad per ils fatgs da l'interpresa. Cun sia purschida da programs dat la SRG.R expressiun a l'identitad da la Svizra ed a la diversitad da sias regiuns. Ils programs servan a l'infurmaziun ed al divertiment, promovan il svilup cultural e permettan ina libra furmaziun da las opiniuns. Cun sias emissiuns contribuescha la SRG.R al mantegniment ed a la promoziun da lingua e cultura rumantscha.
 

Trailers SRG.R

Vita rumantscha

La Svizra rumantscha cun sias valladas, ses idioms e sias atgnadads localas e regiunalas sa manifestescha era en ils films da la Televisiun Rumantscha. Smatgai sin la fotografia sura e guardai impressiuns dad usits, da la chatscha, da la vita sin l’alp, da cuntradas e cultura rumantscha.

Bun divertiment.